വിവാഹ സീസണ്‍ തുടങ്ങാനിരിക്കെ സ്വര്‍ണത്തിന് വിലകൂടുന്നത് ആശങ്കയോടെ നോക്കിക്കണ്ടവര്‍ക്ക് ആശ്വസിക്കാം. വിവാഹത്തിന് ആഭരണങ്ങള്‍ വാങ്ങാനാഗ്രഹിക്കുന്നവര്‍ക്ക് ആശ്വാസമായി സ്വര്‍ണവിലയില്‍ വന്‍ കുറവാണ് ഇന്ന് രേഖപ്പെടുത്തിയിരിക്കുന്നത്.
പവന് 560 രൂപ കുറഞ്ഞ് 75,000 രൂപയായി. ഗ്രാമിന് 70 രൂപയാണ് കുറഞ്ഞിരിക്കുന്നത്. ഇതോടെ ഒരു ഗ്രാം സ്വര്‍ണത്തിന് 9,375 രൂപയായി. കുത്തനെ കയറിയ സ്വര്‍ണ വില ഇന്നലെ മുതലാണ് കുറഞ്ഞ് തുടങ്ങിയത്. ഇന്നലെയും ഇന്നുമായി 760 രൂപയുടെ കുറവാണ് പവന് വിലയില്‍ ഉണ്ടായിട്ടുള്ളത്.
റഷ്യ-യുക്രെയ്ന്‍ യുദ്ധത്തില്‍ മധ്യസ്ഥത വഹിച്ച് അമേരിക്കന്‍ പ്രസിഡന്റ് ഡോണള്‍ഡ് ട്രംപ് രംഗത്തെത്തിയത് വിപണിയില്‍ പ്രതിഫലിച്ചുതുടങ്ങിയതിന്റെ സൂചന കൂടിയാണ് സ്വര്‍ണവിലയിലെ ഇടിവ്. എന്നാല്‍ യുഎസിലെ സ്വര്‍ണം ഇറക്കുമതിക്ക് തീരുവ ഈടാക്കാനുള്ള ട്രംപിന്റെ നടപടി സ്വര്‍ണവില കത്തിക്കയറാന്‍ ഇടയാക്കുമെന്ന സൂചനയും നല്‍കുന്നുണ്ട്.
Content Highlights: Gold Price Today